واذا يعني تضايقنا !..

واذا يعني
تضايقنا..؟
بنغير شي.؟
وإذا مات الزهر في اجمل حدايقنا
بنغير شي.؟؟
واذا بهدومنا [size=29]ضقنا.!
بنغير شي..؟
كثير نمر في بعض الأحيان بضيقة بال..
زعل صاحب
وحاجة مال
شتيمة شخص
مايعرفك..؟
وعتب قارئ..!
ونزعل حيييل ونتضايق..؟
(.. واذا يعني تضايقنا..!)

[ندعوك للتسجيل في المنتدى أو التعريف بنفسك لمعاينة هذه الصورة]

واذا يعني تضايقنا..؟
هي الضيقة بتكون الحل..!
اذا كانت شموس الوقت تحرقنا
هي الضيقة بتكون الظل..!!
إذا غابو جميع
الناس وتفارقنا
هي الضيقة بتكون الخل.!!
(وإذا يعني تضايقنا..!؟)

[ندعوك للتسجيل في المنتدى أو التعريف بنفسك لمعاينة هذه الصورة]

واذا يعني تضايقنا..!
وكثير من
التعب ذقنا
وسهرنا الليل
بيجي صبح ويفرقنا
ونبكي سيل
لين الدمع يغرقنا
ولابه شخص في الدنيا بليا..هم
أحد ضايق..!
سبب فاتورة النقال
احد ضايق..!
عشر سنين متزوج وربك مارزقه
عيال
احد ضايق..!
لأنه البيت به صج وزحام اطفال
احد ضايق..!
من السكر..!
واحد ضايق.!
لأنه مامعاه ريال
هموم أكثر من اللازم تخنقنا
سؤال الحال..!!!!!!!!
(وإذا يعني تضايقنا.؟)

[ندعوك للتسجيل في المنتدى أو التعريف بنفسك لمعاينة هذه الصورة]

وإذا يعني تضايقنا..!
من اللاشي
إلى اللاشي
على اللاشي
تخانقنا
وندخل في نوايا الناس
أظن فلان يقصدني..!
أظن السيدة فلانة تسب
الآنسة فلانة
عشان العانسة فلانة
(أظن ألناس هني بالحيل تكرهني..!)
ترانا ناس فينا كذب.
وغبي منهو يصدقنا..
( وإذا يعني تفارقنا..!)

[/size]

[ندعوك للتسجيل في المنتدى أو التعريف بنفسك لمعاينة هذه الصورة]

[size=29]وإذا يعني تضايقنا..!
إذا راحوا
وخلونا
نسوا كل الكلام
العذب
بكونا
وعرفنا بيوم بأن كل الحكايه كذب
ملونا
وإذا خيم علينا الليل
ما أشرقنا
وإذا ضقنا
وصار الحرف حبال في مشانقنا
بعد هذا.؟
(وإذا يعني تضايقنا..!)

[ندعوك للتسجيل في المنتدى أو التعريف بنفسك لمعاينة هذه الصورة]

وإذا يعني تضايقنا..!
إذا هذا
الزمن لبسك ثياب في
يوم مو قدك
بتحط أيدك على خدك
وتبكي حيل
إذا هذا البحر ضيق
ولا يقدر يمدك
بتحط إيدك على خدك
وتبكي حيل
إذا خدك طبع حزنه على يدك
وعرفنا كل شي
(وإذا يعني تضايقنا!)

[ندعوك للتسجيل في المنتدى أو التعريف بنفسك لمعاينة هذه الصورة]

إذا يعني تضايقنا..!
وطفينا
دروب النور
وعتمنا
المدن والدور
ويتمنا
شجر وزهور
وكتمنا
رقيق شعور
وشتمنا
علو السور
عشان اشياء في الأتفه
من الأتفه من الأشياء..!
رجل خاين
"ماهي دوم الرجال تخون..!"
خيانة بنت
"ماهي كل البنات تخون..!"
(وإذا يعني تضايقنا!)

[ندعوك للتسجيل في المنتدى أو التعريف بنفسك لمعاينة هذه الصورة]

وإذا يعني تضايقنا..!
ومشوا عنا
كثير اصحاب
وتفارقنا
وشققنا الورق للريح
بعض فرقا
تكون الحل قبل نطيح
بعض فرقا
مثل جمره وحنا الشيح
بعض فرقا
كثير أكرم من التجريح
بعض فرقا
تجي جية دعا تسبيح
وكثير أصحاب فارقنا
ونسيناهم
كأن كانت علاقتنا
علاقت وقت..!
مصالح وأنتهت ..
يمكن
قراب و دم أو جيران
يمكن
تشابه هم
يمكن
واللي يهم
ماضقنا .
(وإذا يعني تضايقنا..!)

[ندعوك للتسجيل في المنتدى أو التعريف بنفسك لمعاينة هذه الصورة]

وإذا يعني تضايقنا..!
وطيرنا
فراش النوم
ومسحنا كل الوانه
وإذا سيطر على جوك حزن ووجوم
وبديت تفسر
الأشياء على كيفك
كثير اشياء غلط
حولك
وجوع الناس
تعبانه
قلق مدري طفش مدري تعب مدري قرف
مدري ترف
مدري من الناس زهقانه
كثير أشياء
تزهقنا
(وإذا يعني تضايقنا..!)

بنغير شي.؟
[/size]

[ندعوك للتسجيل في المنتدى أو التعريف بنفسك لمعاينة هذه الصورة]

مما راق لي

[ندعوك للتسجيل في المنتدى أو التعريف بنفسك لمعاينة هذه الصورة]