أب يكلم ابنه سنة 2050 هههههه

يابنى انتو زمانكو ده ما يعلم بيه الا ربنا فييييييييييييييييييييييييييييين ايام زمان

كان جدك حماده يدينى العشره جنيه و انا رايح الجامعه كنت اركب بيها و اجيبلى كنزايه و سندوتش برجر و يفيض معايا كمان مش زمانكم المهبب ده

و كان الواحد مننا يقدر كده يدخل بيتهم بعد الساعه 5 الفجر يالهوووووووى من الساعه 4 يكون الباب مفقول و لو جدع تتأخر بقى يا حلو

و كان الواحد فينا يقدر يعلى حسه على امه و لا يمد ايده على ابوه الا لما هو يبتدى كان فى حاج اسمها إحترام و أدب يا أستاذ

و مش عارف انا ايه التقاليع الفارغه اللي طلعينلى فيها الشباب بتوع اليومين دول كان على ايامينا يابنى يدوبك الشاب مننا يلبس البادى الكات و يسقط البنطلون و يوقف شعره و خلاص سبايكى يعنى او لو كان البنطلون اليوزد المقطع و البادي ابو ترتر و البنات كانت يدوب على اد البادى الاستومك الى مغطى من فوق السرة ما تشوفش حاجة و لا على اد البنطلون الاسترتش او الدبوس و الميني جيب و الميكروجيب امال ايه يا استاذ كان فى حاجه اسمها ادب و احترام فى اللبس

و لا التعليم الى باظ على ايامكم السوده ديه يا بنى على ايامنا كنا ناخد الدروس فى كل المواد و شكرا على كده و المذاكره كان اسمها مذاكره تقعد بالنص ساعه و الساعه الكامله كل يوم عالكتاب ما تتحركش و كان اسمها وزارة التربيه و التعليم و كان فعلا فى تربيه و فى تعليم مش جيلكم البايظ

ومكانش فى حاجه اسمها تقعد فى البيت ده يبقى يوم اسود لو ابوك شافك فاعد فى البيت ده امال ايه يا فندى معندناش رجاله تقعد فى البيت و كنا نرجع البيت مفيش وسائل الترفيه بتوع اليومين دول يدوبك على اد الدش و الكمبيوتر و البلاي ستيشن وبس

و تقعد بقى كده تسلطن على اغانى الطرب بتاعت زمان الست هيفا و كوكب الغرب روبى و لا العظيمه دانا ولا العندليب الاخضر الاستاذ سعد الزغنطط طرب من الى ينضفلك ودانك مش الكلام الفارغ بتاعكم ده

و السنه يا بنى كانت على ايامنا 365 يوم بلياليهم مش عارف انا ايه الى حصل و كانت الحاجه رخيصه كده وفيها بركه يابنى ديه وجبة كنتاكى ديه كنت بجبها بعشرين جنيه و ايه اكل اسمه اكل و لا سندوتش التقاطيع الى كان بجوز جنيهات من عند سيد تلوث غلى هو كمان ما شفتوش انتو يابنى الخير الى كان على ايامنا و يلا بقى بخ انت هتحرق معايا كلام كتير خد مفتاح السفينه و روح قضيلك اسبوع انتا و صحابك فى اى كوكب عشان فكك من انا وامك الاسبوع الجاى ده قشطه

هههههههههههههههههههههه

الله يستر

ههههههههههههههههههههههه

و

[ندعوك للتسجيل في المنتدى أو التعريف بنفسك لمعاينة هذه الصورة]