منتديات المافيا KSA
مرحبا بك عزيزي الزا ئر. نرجو منك أن تسجل و تدخل المنتدى معنا.
إن لم يكن لديك حساب بعد, نتشرف بدعوتك لإنشائه
وللعلم عزيز الزائر منتديات منتديات المافيا KSA


برامج جوال العاب بلاستيشن اكس بوكس
عالم من المسابقات جوائز ومن ضمن الجوائز
قرى في لعبة ترافيان ذهب في لعبة ترافيان
بطائق شحن جوال مبالغ ماليه والكثير الكثير
مسابقات شهريه فقط
سجل معانا وسوف تعيش تجربه متميزه معانا

مع تحيات

اداراة منتديات منتديات المافيا KSA



 
الرئيسيةاليوميةس .و .جبحـثالأعضاءالمجموعاتالتسجيلدخول
» ارجوووووووووووووووووووووووكم ياااااااااااالغواليالخميس فبراير 23, 2012 9:26 amمن طرف» دروس الفوتوشوب للمبتدئين دروس الفتشوب درس طريقة عمل دوائر سكرابية بالفوتوشوب بالفتشوب درس مفيد وسهلالثلاثاء مارس 29, 2011 10:38 amمن طرف» صور نساء جميله!!الخميس أكتوبر 14, 2010 5:45 amمن طرف» حلـى الفيسات2010الخميس أكتوبر 14, 2010 5:43 amمن طرف» صورطريفه ورائعه لـ لعبة البلياردو صور روعه لـ البلياردو صورالبلياردو 28 صوره روعه للعبة البلياردو صور مختلفه للعبة البلياردو صور بلياردوالأربعاء أكتوبر 13, 2010 10:59 amمن طرف» يجي مع تحديث الكنيت باند جديدالثلاثاء أكتوبر 12, 2010 7:59 amمن طرف» اعلان هام : اسم الفائز بمسابقة القريه الف مبروك للفائزالثلاثاء أكتوبر 12, 2010 7:49 amمن طرف» موضوعي الأول الحصري" الحل الكامل للعبة Prince of Persiaالثلاثاء أكتوبر 12, 2010 7:38 amمن طرف» حمل برنامج حصن المسلم حمل برنامج حصن المسلم تصميم فتاه سعوديه حمل البرنامج (انشر الموضوع ولك الاجر باذان الله)الأحد أغسطس 15, 2010 11:07 amمن طرف

شاطر | 
 

 قصه تكسرالخاطر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صقر
عضو جديد
عضو جديد
avatar

عدد المساهمات : 26
تاريخ التسجيل : 29/09/2009

مُساهمةموضوع: قصه تكسرالخاطر   الثلاثاء سبتمبر 29, 2009 3:04 pm


 قصه تكسرالخاطر  منتديات المافياKSA
جراح ويوسف أصدقااء من زمان
وتعرفون المواقف اللي تصير بين الاصدقااء
بس هالمرة الموقف اللي سواه يوسف في جراح
موقف ضيع حياة (( جراح ))
خلونا نشوف أحداث هالقصة مع بعض .. ..


**********

جراح كان داخل الشات ب نك (( أدور على حب )) والحبيب داخل جو مو طبيعي
وطايحله سوالف مع بنات خلق الله
إتصل عليه صديقه يوسف ودار بينهم هالحوار

جراح : ألووو
يوسف : ألووو هلا والله جراحووو
جراح : هلا فيك حبيبي .. ها خير آمرني
يوسف : و ش آمرني .. ! تصرفني أنت و وجهك
جراح : لا والله بعد عمري إنت بس آنا منهمك بالشات بناات مو طبيعيات ,,, يويسف وناسة
يوسف : ممم طيب وش نكك .. ؟
جراح : ليش بتدخل علي .. ؟
يوسف : لا والله آنا وين والشات وين خبرك عتيق ما قمت أدخل زهقت منه
جراح : ممم والله آنا نكي (( أدور على حب )) تعرف يمكن أصيدلي رمااانة من هالفواكه الموجودين بالشات
يوسف : أي رمان وأي فواكة .. ! حبيبي هذول بنات مو خضرة لوووووووووول
جراح : هههههااااااااااي
يوسف : أوكي حبيبي آنا ماشي الحين بروح أنام تامرني على شي .. ؟
جراح : لا قلبي سلامتك نومة العافيه انشالله
يوسف : الله يعافيك .. تصبح على خير
جراح : وإنت من أهل الخير
يوسف : باااي
جراح : بااايااات

طبعا يوسف مافيه النوم وأصحى مني ومنكم بس أهو مجهز موقف ودقه محترمة حق صآآحبه جراح

يوسف دخل الشات ودخل ب نك (( أبي واحد يحبني ))
يعني منتحل شخصية بنية
وقعد ينتظر وينتظر وياكل شيبس و بيبسي
لما دخل عليه نك (( أدور على حب )) فرح
جراح المسكين ما يدري على باله بنيه
ودار بينهم هالحوار

جراح : مساء الخير
يوسف : مساء النور ياهلا
جراح : شلونك شخبارك
يوسف : الحمدلله زينة .. وإنت شلونك
جراح : آنا بخير دامك بخير
يوسف : دوم انشالله مو يوم
جراح : تسلمين ما تعرفنا عليك يا حلوة
يوسف : معاك شيماء وإنت .. ؟
جراح : عاشت الأسامي .. معاك جراح
يوسف : عاشت أيامك .. الله إسمك يهبل مرة حلو ستاااااااااايل
جراح : تسلمين من ذوقك .. مادري شلون بنام اليوم
يوسف : لا آنا قلت إسمك يهبل مو إنته .. وبعدين تنام ما تنام كيفك
جراح : أووو ليش كذا تكسرين خااطري .. آنا زعلت خلاص
يوسف : آسفة
جراح : لا كلا واحد .. شيماء كم عمرك .. ؟
يوسف : 18 وإنت ؟
جراح : 19
يوسف : العمر كله .. الله إنته أكبر مني
جراح : طبعا طبعا .. يالله روحي سويلي بيض بطماط بسرعة
يوسف : يوووه حدك واثق
جراح : طبعا واثق .. شيومه شلون الشات معاك اليوم .. ؟
يوسف : يعني .. وبعدين تعال ليش تدلعني .. ؟ من عطاك الحق
جراح : تنساني وتروح وحده وحده حتى أستوعب كلامك والجروح
يوسف : صدق سخااافة
جراح : شيومة شيومة
يوسف : هلا خير
جراح : لا بس قاعد أجرب الكيبورد .. لوووووووووول
يوسف : لوووووووووول .. تصدق عاد إنت تهبل تونس مرررة .. شكلك ما تحب ولا جربت الحب
جراح : لا والله ما صار نصيب وبعدين مافيه اللي تستاهل أحبها
يوسف : إي والله صادق .. بس في بنات شحلاتهم يهبلون وأخلاقهم مررة حلوه
جراح : إي شيومة في بس قتلك للحين ما صار نصيب
يوسف : إنت مشالله عليك روحك حلوه تضحك وتونس الله يخليك ل أهلك
جراح : صدق .. ؟
يوسف : إي والله صدق .. آنا ما حب أجامل أحد
جراح : بعد عمري والله
يوسف : وشو.. ؟
جراح : آسف إطلعت عفويه من غير قصد
يوسف : لا عادي
جراح : ممم أنا ما أشوفك تضحكين واجد .. ليش .. ؟
يوسف : إي والله صادق آنا ما أَضحك واجد حياتي تعاسه بتعاسه
جراح : أفا ليش .. ؟
يوسف : إنت لما قلتلي بعد عمري آنا مررة استانست بس ما حبيت أبينلك .. آنا محد يقولي
مثل هالكلام .. أهلي بالبيت يعاملوني كأني خدامه مو بنتهم
جراح : كل هذا فيك
يوسف : وأكثر من كذا !!
جراح : تصدقين ودي أسمع منك سوالفك ما تنمل بس آنا الحين لازم أروح .. ممكن طلب ..؟
يوسف : تفضل
جراح : ميخالف أضيفك عندي بالإيميل هذا إذا ما عندك مانع
يوسف : والله مادري شقولك .. آنا ما أضيف شباب عندي
جراح : بس آنا مو من هالشباب وإنشالله ما تشوفين مني إلا كل خير
يوسف : أدري .. وإنت مبين عليك ولد طيب وآنا بضيفك وإنشالله ما أشوف منك قاصر
جراح : لا إنشالله ما تشوفين مني إلا كل خير
يوسف : عطني إيميلك وآنا أضيفك
جراح : أوكي هذا إيميلي .......... متى تضيفيني .. ؟
يوسف : إنشالله الحين
جراح : أوكي آنا طالع الحين تامريني على شي .. ؟
يوسف : سلامتك
جراح : أشوفك على خير إنشالله .. مع السلامه
يوسف : الله يسلمك

**********

((فلم)) يوسف مشى على جراح المسكين
وجراح عاش بوهم
ويوسف ما تاب صار يسولف مع جراح كل يوم بالماسن
وطبعا يوسف للحين منتحر شخصية شيماء
وجراح المسكين عاش بأجواء الحب وتولع بشيماء
وطلب يشوف صورتها
والثعلب يوسف مضبط شغله
حط حق جراح صورة بنية حاطه شيله على راسها وهالبنيه حلوه مررة
وجراح لما شاف الصوره
لا ليله ليل *** ولا نهاره نهار

خلاص إنفجر
الحب سيطر عليه من كل مكان
وصار ينفذ أوامر شيماء أقصد >> يوسف
وهالدقه اللي مسويها يوسف تتوقعون كم إستمرت .. ؟
سنة كاملة !!
يوسف للأسف ما مل من هاللعبه
سبحان الله
جراح يبكي وما ينام الليل من كثر الشوق واللهفه والحنين اللي فيه
وينتظر متى يصير باكر عشان يسولف مع شيماء
أقصد الوهم
ويوسف الله يسامحه
ميت من الضحك عليه
**********

يوسف قام يحلي اللعبه
صار ما يشبك
وطبعا جراح المسكين قام يخااف ويرسل إيميلات
ويوسف ميت ضحك
جراح صار واحد ثاني
ما يطلع من بيتهم
قااعد ب غرفته
يتخيل صورة شيومه حبيبته
يتخيل سوالفها
دلعها
روحها الحلوه
ويبجي ويبجي

**********
بعد شهرين
شبك يوسف
وجراح طار من الفرحة
قال حق شيوم ليش ما تشبكين .. ؟
وشرحلها شوقه وحنينه
وقاموا يسولفون
جراح ما قدر يصبر
قال حق شيوم أبي رقمك بكلمك بالتلفون
شيوم إرفضت تدرون ليش .. ؟
لأن صوتها خشن
لوووووووووول
اللي هو صوت يوسف هالتعبان اللي ما يستحي
فقررت شيوم إنها تواعد جراح
ودار بينهم هالحوار
جراح : حياتي يعني الحين شلون ماراح أسمع صوتك .. ؟
يوسف : حياتي لا تزعل روحك كذا .. أنا عندي فكرة
جراح : وشي .. ؟
يوسف : شرايك تشوفني .. وبكذا راح ناخذ على بعض أحسن من التلفون بألف مرة
جراح : صآآدقة إنتي .. ؟
يوسف : إي والله من صادقة
جراح : الله وناااااااااااسة
يوسف : وآنا وش أبي غير وناستك يا بعد عمري
جراح : حياتي والله .. طيب شيومتي أي مكان راح أشوفك فيه .. ؟
يوسف : ممم شوف الساعة 9 بالليل بالحديقة وش رايك ؟؟
جراح : أووكي بس شنو راح تلبسين .. ؟
يوسف : ممم راح اكون لابسه شيله ونقاب وعبايه
جراح : وي وي وي ليش كل هالعذاب .. ؟
يوسف : حياتي عشان ما أبي احد يشوفني
جراح : أوكي حياتي ..

جراح طبعا ما يحتاج أوصفلكم شعوره
الأخ المسكين راح الصالون ما خلا شي ما سواه بوجهه
صنفرة وتنظيف بشرة وحلق وظبط شغله وكشخ
وراح الحديقه الساعه 5
ينتظر الساعه 9 عشان يشوفها
مسكين كل هذا حب .. ؟
قاعد ينتظر وينتظر
وأخونا الشيطون الثاني يويسف
رايح سوق النسيم يشتري جلابية وعباية وشيلة ونقاب

قرب الموعد
يوسف لبس الجلابية وتعطر
ولبس الشيله والنقاب والعبايه
والأخ يعني صايد الحركة
راح كحل عينه
هههههههههههههااااااااااي

صارت الساعة 9 بليل
راح يويسف الحديقه وقعد بالكرسي
نزل جراح من السياره وغرق روحه بالعطر المسكين
دخل الحديقه وقام يدور على وحده منقبه وعبايه
لقاها قاعده آخر شي
قرب صوبها
وبدأت ساعة الصفر
طبعا يوسف ما خلا عسل ما شربه عشان ينعم الصوت

ومشت على جراح لعبة الصوت
لأنه منهمك بالحب ولا ركز على هالشغلات
ودار بينهم هالحوار
جراح : هلا
يوسف : هلا بك
جراح : إنتي شيوووم .. ؟
يوسف : إي آنا ما عرفتني
جراح : لا أعرفك بس حبيت أتأكد
يوسف : والحين تأكدت .. ؟
جراح : إي بعد عمري تأكدت
يوسف : واااي على هالحجي الحلو
جراح : سمعيني شيوم آنا أموت فيك أحبك مرررة
ومررة مستعد أذبح روحي عشانك
يوسف : بعد عمري لا تقول تذبح روحك .. بسم الله عليك
جراح : حياتي تكفين بكلمك بالتلفون
يوسف : آنا ودي أكلمك بس ماقدر ماقدر
جراح : ليش .. ؟
يوسف : تلفوني مافيه رصيد .. !!
جراح : لا يا عمري آنا راح أتصل عليك مو إنتي
يوسف : حياتي إنتا ما تقدر تتصل علي لأن خطي مصفر مافيه ولا هلله وراح يطلعلك
(( ان الهاتف المطلوب ... ))
جراح : أوكي خلاص اليوم روحي إشتريلك كرت شحن .. وعبيها
يوسف : من وينلي فلوس .. ؟
أبوي ما يعطيني ولا أمي مادري وش فيهم علي هالأيام ؟
جراح : ولا يهمك حياتي دقايق بروح أشتريلك كرت شحن
يوسف : لالا مابي أكلف عليك
جراح : لا عمري لا كلافة ولا شي و إنتي مني وفيني

راح جراح يشتري كرت شحن ل شيوم
وطبعا الأخ الفاضل يويسف
رفع النقاب
يبي يمسح العرق

قام يستنشق الهواء
وأهو ميت ضحك
شاف جراح جاي من بعيد
غطا وجهه
وصل جراح
ودار بينهم هالحوار
جراح : خذي عمري هذا الكرت
يوسف : وي وي بعد عمري مشكور ما قصرت
جراح : أفا عليك كم شيومه عندي

يوسف ما قدر يستحمل
فصخ النقاب والشيله
وشوفوا شصار

جراح : يو يوس يوس يو يوسس يوسف .. ؟
يوسف : كاااااااااااااااااااااااااااااااك يالخرووووووووووووووووووووووووووووووف

*********
شنو تتوقعون موقف جراح ..؟
من بعد القصة اللي عاشها والسنة اللي أخذها بالحب والشوق والحنين
لشيماء اللي إطلعت وهم
وهالحب الوهمي اللي بناه وفكر إنه يوصل للزواج
كان لعبة من صآآحبه
جراح إنصدم وظل واقف بمكانه ما يتحرك
رجوله تهتز مو قادره تشيله لما طاح وأغمى عليه
يوسف خاف على جراح وشاله ووداه المستشفى
وللأسف جراح جا له إنهيار عصبي وصار مجنون وبي ظل طول عمره بالمستشفى

ظاعت حياة جراح ظاعت
ولو كانت شيماء حقيقة كان شفتوا حياة جراح
أحلى حياة لأن هالولد نيته شريفة وحب من قلبه
ويوسف كثر ماكان يضحك على جراح
صار يبكي ويبكي ويبكي
وحلف إنه ما يسامح نفسه طول عمره
لكن بعد ووشووو .......... ؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
almafia ksa
المدير العام
المدير العام
avatar

عدد المساهمات : 1021
تاريخ التسجيل : 18/08/2009

مُساهمةموضوع: رد: قصه تكسرالخاطر   الثلاثاء سبتمبر 29, 2009 9:41 pm


 قصه تكسرالخاطر  منتديات المافياKSA
لاحول ولاقوة الى بالله

و

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://vip300x.yoo7.com
 

قصه تكسرالخاطر

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المافيا KSA :: الـــقـــســم الـــعام \ General Discussion :: منتدى القصص قصص واقعيه قصص خياليه قصص الانبياء والرسل قصص اسلاميه-


المواضيع والمشاركات المنشورة في  منتديات المافيا KSA لا تمثل بالضرورة الرأي الرسمي للإدارة بل تمثل  وجهة نظر كاتبها فقط
 وأبرئ نفسي أنا صاحب الموقع ، أمام الله عز وجل وأمام جميع الزوار والأعضاء على ما يحصل من تعارف بين الأعضاء على ما يخالف ديننا الحنيف ، والله ولي التوفيق


يمنع اضافة الصور النسائيه في المنتدى والمواضيع الخادشه للحياءويمنع اضافة الموسيقى والاغاني دخل المنتدىومن يخالف القوانين سوف يتم طرده من المنتدى


ارجو ان يكون ردك على الموضوع بصيغه جميله تعبر عن شخصيتك الغاليه عندنا ...مع التقدير ..الادارهصفحه جديده1
© phpBB | منتدى مجاني | منتدى مجاني للدعم و المساعدة | التبليغ عن محتوى مخالف | انشئ مدونة