بلييز كول مي ...

لاقريت بليز كـول مـي
لاتـردد
دق جوالي تـرى الحالـه كسيفـه

لن جوالـي علـى قـدي محـدد
لارصيد(ن) فالبنـوك ولا وظيفـه

ضايق(ن) محتار من وقتـي معقـد
ومن غرابيل الليالي صـرت شيفـه

كن وسط القلب نيـران(ن) توقـد
والعيـون دموعهـا دايـم ذريفـه

وبالتعاسه صرت من وقتـي مهـدد
والزمن ضدي نوى يطوي الصحيفه

ياوجودي وجد مرضان(ن) مرقـد
العيـال صغـار والحالـه ضعيفـه

كل ساعه والمـرض فيـه يتجـدد
يذكر ليا مـات مابعـده خليفـه

وفي يدين اللـي يزورونـه تشـدد
وقال تكفون..الله الله فـي لطيفـه

آخـر العنقـود لاجتكـم تـودد
خلو انفسكم ليا جتكـم خفيفـه

وياوجودي وجد من حالـه تبـدد
فارس(ن) شدوا كتوفـه بالكتيفـه

صوبوه إعداه تصويـب(ن) تعـدد
ماوقع من عقب إصابات(ن) طفيفه

فارس(ن) من شاف فعلـه ماتنقـد
سطوته سطوت بطل مافيه خيفـه

يـارد حيـاض المنايـا ماتصـدد
ماتهيبه شوفت سيوف(ن) رهيفـه

وياوجودي وجد من حكمه مشدد
السجين اللي فقد شـوف الوليفـه

إحكمه قاضيـه بالحكـم المؤبـد
وصار عنده ماعلى الدنيا حسيفـه

بيـن جـدران المساجيـن يتعبـد
يرجي الرحمـن فالدنيـا الكليفـه

آنتخى بالناس مـن حظـن تلـدد
وضيم وقت وضيم جندي مع عريفه

إتصل بـي يـوم جوالـك مسـدد
وإعتبر مبلـغ كلامـك بالنصيفـه

بـس كلمنـي ولأحوالـي تفـقـد
لاتسخفها مـع الدنيـا السخيفـه

يوم جوالي فصـل قمـت اتوجـد
وانتظر للصوت من نفس(ن) شريفه

طالبك ياهوه كول مـي لاتـردد
دق جوالـي تـرى الحالـه مخيفـه

..~ممآ رآق لي~..